بۆ سەردەشت عوسمان : شێرکۆ بێکەس
بۆ سەردەشت عوسمان !
شێرکۆ بێکەس
دوێنێ قەڵەمێک لە شێوەی کۆترێکدا
بەدەم شەقژنەوە کوژرا
دوێنێ کۆترێک لەشێوەی قەڵەمێکدا
بەدەم نوسینەوە کوژرا .
ئاسمان گریاو
وشە گریاو
شەقام گریاو
شیعریش رەنگی هەڵبزڕکا .
دوێنێ درەختێ لەشیوەی رۆژنامەدا
بەدەم جریوەوە کوژرا .
دوێنێ رۆژنامەیەک لە شێوەی درەختدا
بەدەم خویندنەوەوە کوژرا .
وتار پژاو
هەواڵ رژاو
ستون شکاو
خەونیش سەر بەرەو خوار کشا !
ئەمڕٶ باخان
لەمەرگی جۆگەلەیەکدا
هەرهەمویان
پژو پۆی رەشیان پۆشیوە
ئەمڕۆ قەڵەم
لەگوێ زامی (( سەردەشت )) ێکدا
هەرهەمویان،
بەسور هاژەیان نوسیوە
شار بێ رەنگ و
( با ) بێ دەنگ و
خوا دڵ تەنگ و
تاوانیش بۆ خۆی رائەکا !