پەیکار عوسمان – هۆنراوە
بە کاری بۆو نا، ناو بۆ
درەنگ یا زوو
ڕێگام دێتەوە سەر هەنگاوی
تۆ
درەنگ یا زوو هەڵی ئەگرم
سەری خۆم و
تاتۆی غەدرو
جێ پێ ی
تۆ
درەنگ یان زوو ئەیدەم
باجی عیشق و
کرێ ی وشەو
نرخی پرسیار
بە خەزووری
ناو دەقە شومەکەی
تۆ
درەنگ یان زوو لە دەرگام ئەدا فیشەکێك،
منیش کە دەستم گیراوە بە مەمکی سەرۆکزادەیەك،
بەدەم لێ ی ئەکەمەوە
وەكو تۆ
درەنگ یا زوو ڕێگام دێتەوە سەر هەنگاوی تۆ،
من ئێستا كه عاشقی هەمان کچم
بۆ نەوەستای هاو دڵ و هاوسەفەر بین
هاوخەم و هاوقەدەر بین
منو تۆ
پەیکار عوسمان