سەیری چی دەکەن ؟
:
هۆشیار عبدللە
بۆ مەلولن ؟
بەدیار غەدری کوشتنمەوە دانیشتون ؟
ووشەکانم دەخوێننەوە و دەتانەوێت زەردەشتانە بەدوار خوێنی منەوە بن ؟
تکایە دامەنیشن ، ووشەکانم هەڵگرنەوە
رستەی زۆر و هاواری زۆرم مابوو
ئیستا ناو هێلانەی دەمم پڕ گوللە یە
کۆترەکانی ووشە ناتوانن لە شەقەی باڵ بدەن
ئێوە بڵێن ، ئێوە هاوار بکەن
بە دایکم بڵێن توخوا با نەڵێت
بەفرمێسکی چاو و
بە خەمی نەبونی و بەبرینی دووری و بەهەناسەی سارد
بۆ ئەوە گەورەم نەکردی وا زوو ئۆخر بکەی
پێی بڵێن ، سەردەشت دەڵی : درەنگ بوو درەنگ !
ئاخر ئازادی هاواری دەوێت و قەلەم نیازی بە راستگۆییە و
سەردەشتەکەی تۆش عاشقی نەمری
هاوڕێیانی قەلەمم :
دەمەوێت پیتان بڵێم کە گەیشتمە مەنزڵ
سۆرانەکەی مامە حەمە چاوەڕێ بوو
هێشتا مل پێچەکەی لە مڵدایە و
کە باوەشی پیا کردم گوتی:
سەرۆ گیان بۆنی گوڵاو لە دەمت دێت
بەدەم ماچ کردنی روخسارمەوە پیی گوتم
بۆنی رۆژنامە ئازاکان و بۆنئ ئازادین لێ دێت !
*** *** ***