سەردەشت کوژرا،هەولێر سەربڕا ..!
کە سەردەشت کوژرا هەولێرم کوژرا
پەپولەترین مرۆڤ خوێنی لێ رژا
شەهید سەردرەشتم شەهیدی زیندو
شەهیدی قەلەم بەدەستی مردوو
بەرۆژی رووناک لەباوەشی خاک
قەڵ و داڵ هاتن کردیان بەخۆراک
لەناو کجان و کوڕانی زانکۆ
ئەنفالیان کردی ئای شەهیدم رۆ
ئەی دەسەڵاتی بەناو دەسەڵات
بۆ کوێت برد سەردەشت خونچەکەی ووڵات
ئاخر پێم ناڵێن چۆن دەربازتان بوو ؟
لەو هەمو بازگەی سەردەشتان پێ بوو
بۆیە بزانن قڕمان کەن دەژین
هەمومان دەڵێین،هەمو سەردەشتین
سەردەشتێکتان کوشت هەزاران سەردەشت
لەدایک بون و قەلەمیان لەدەست ..!
زانا حسێن