سەردەشت عوسمان

١. نا بوو دژی ستەم.
٢. نا بوو دژی ستەمی خۆماڵیی کوردی.
٣. نا بوو دژی داپلۆسینی ئازادی.
٤. نا بوو دژی حوکمی بنەماڵەیی.
٥. نا بوو دژی گەندەڵی و تاڵانکاری.
٦. بەڵێ بوو لۆ ئازادی.
٧. بەڵێ بوو لۆ مەرگ لەپێناو ئازادی.
٨. بەڵێ بوو لۆ خۆکردنە قوربانی لۆ ئازادیی هەمووان.
٩. بەڵێ بوو لۆ ژیانەکی سەربڵندانە و شەڕەفمەندانە لۆ هەمووان.
١٠. ئازاترین مرۆڤ بوو کە دژی بکوژانی ڕاوەستا.
١١. مردن نەیترساند.
١٢. عەرشی دەسەڵاتەکی سەرکووتکەر و بکوژ و چەتە و تاڵانکەری هەژاند.
١٣. هاواری لەپێناو ئازادی زووڵاڵتر کرد.
١٤. هەزاران سەردەشتی دیکەی خولقاند.
١٥. مانای دایەوە کەڕامەت و ئازادی.
١٦. گەورەترین یەکبوونی جیهانی دژی ستەم بەرپا کرد.
١٧. ناساندنەکی حەقیقی دەسەڵاتی چەتەییی بنەماڵەیی بوو.
١٨. ناوەکەی هەتاهەتایێ سەدای دێ.
١٩. خوێنەکەی هەرگیز بزر نابی.
٢٠. بکوژانی لە ناوەکەی و هاوارەکەی و دەنگدانەنەوەکەی و یادکردنەوەکەی دەترسێن.
٢١. ئەگەر ئەمریکا پەیکەری ئازادیی هەیە، کوردیش دەبی “پەیکەری سەردەشت عوسمان لۆ ئازادی،” هەبێ.
٢٢. دەرخەری چەتەیی حوکمی بنەماڵەیی بوو.
٢٣. تاکە قوربانی کوردستانی-کوردییە کە گەورەترین دەنگدانەوەی جیهانی درووست کرد.
٢٤. هەمیشە زندییە!
٢٥. چەتەکانی دیت گچکە بوون، دزێو بوون، ناشیرین بوون، قێزەون بوون، پیس بوون.
٢٦. خێزانەکەی ناو و ناوبانگ و خوێنەکەیان نەدۆڕاند.
٢٧. ئۆپۆزسیۆنی گەورە کرد و دەسەڵاتی گچکە کردەوە.
٢٨. بەرەو مەرگ دەچێ بەڵام ژیاندۆستە نەوەك مەرگدۆست.