راگەیەندراوی سەنتەری میترۆ بەبۆنەی ١٢هەمین ساڵرۆژی تیرۆری رۆژنامەنووس سەردەشت عوسمان
![]()
خانەوادەی سەربەرزی شەهید سەردەشت عوسمان
سەنتەری میترۆ لە لەحزەی دیارنەمانی جوانەمەرگ تا ئەمڕۆ نزیك بووە لە خەمو داواكارییەكانتان. ئەمرۆش هەمان خەمی ئێوەو هەمان داواكاری ئێوەمان هەیە، خانەوادە سەربەرزەكەی سەردەشت.
تا هەنوكە سیستمی قەزایی لە هەرێمی كوردستان و عێراق لە كەیسی تیرۆركردنی رۆژنامەنوسان كەومتەرخەم بووە. تەنانەت یەك كەیسی تیرۆرمان نییە بەوانەشەوە كە لێكۆلینەوەی زۆری تیا كراوە رای گشتی و خانەوادەی رۆژنامەنوسە تیررۆركراوەكان رازی كردبێت.
كەیسی سەردەشت عوسمان نمونەی زەقی دەربازبوونی بكوژانە لەو تاوانەی لە ئەستۆیانە.
سڵاو و درود بۆ قوربانیانی بواری كاری میدیا
درود بۆ گیانی ئەو رۆژنامەنوسانە كە تەنها لەبەر كارەكانیان تیرۆر كران، وبكوژەكانیان دەربازیان بووە لە سزا، یا لەبەرەكانی جەنگدا بە هۆی كارەكەیانەوە شەهید كراون و بكوژانیان دیار نین، یا بكوژەكان دیارن و دەستی یاسا نایانگاتی.
ریسوایی بۆ بكوژی رۆژنامەنوسان