سەردەشت عوسمان برینێکی کولاو و کەیسێکی دانەخراو
![]()
شاباز مەحمود:
شاباز مەحمود:لە یادی شازدە ساڵەی تیرۆرکردنی سەردەشت عوسماندا دووبارە جەخت دەکەینەوە کە ئەم کەیسە بە کراوەیی ماوەتەوە و هەرگیز لەبیر ناکرێت. سەردەشت سیمبۆلی ڕەتکردنەوەی ئەو قۆرخکارییە بنەماڵەییەیە کە جومگە هەستیارەکانی ئەم نیشتمانەی گرتووەتەوە.
لە دیدگای ئێمەدا بکوژانی ڕاستەقینەی سەردەشت تەنها ئەوانە نین کە فیشەکەکەیان تەقاند بەڵکو ئەو سیستەمە نوخبەگەرایەیە کە لە ترسی ئاشکرابوونی دزی و تاڵانییەکانی پەنا بۆ تیرۆر و بێدەنگکردنی دەنگە ئازادەکان دەبات. تا ئەو کاتەی هاوڵاتی نەبێتە سەروەری ڕاستەقینە و دادگاکان لە ژێر چنگی بنەماڵە دەسەڵاتخوازەکان ڕزگار نەکرێن خوێنی سەردەشت وەک گەواهیدەرێکی زیندوو بەسەر شکستی ئەم ئەزموونە حوکمڕانییەوە دەمێنێتەوە.
سەردەشت لە ویژدانی خەڵکدا زیندووە، چونکە ئەو گیانی خۆی فیدای ڕاستگویی و پاراستنی شکۆی مرۆڤی ئەم کۆمەڵگەیە کرد.
٤ی ئایاری ٢٠٢٦